კარლეს პუჩდემონმა ესპანეთის პრემიერის ულტიმატუმს უპასუხა

დღეს დილას, როგორც მოსალოდნელი იყო, კატალონიის მთავრობის მეთაურმა კარლეს პუჩდემონმა ესპანეთის ცენტრალურ მთავრობას დამოუკიდებლობის გამოცხადებასთან დაკავშირებით განმარტებითი წერილი გაუგზავნა. თუმცა, როგორც ცნობილი გახდა, წერილში სუვერენიტეტთან დაკავშირებით მკაფიოდ ჩამოყალიბებული განმარტება კვლავინდებურად არ არის. 

საპარლამენტო არჩევნები ავსტრიაში

ავსტრიაში საპარლამენტიო არჩევნების პირველადი შედეგებით, ქვედა პალატაში ყველაზე მეტ ადგილს მემარჯვენე-ცენტრისტული სახალხო პარტია მიიღებს. პარტიას, რომელსაც 31 წლის სებასტიან კურცი ხელმძღვანელობს, ხმების 36 პროცენტი აქვს. 

ტერაქტი სომალიში - 276 დაღუპული

სომალის დედაქალაქ მოგადიშოში განხორციელებული ტერაქტის შედეგად დაღუპულთა რიცხვი ისევ გაიზარდა. ძლიერი აფეთების შედეგად, ბოლო მონაცემებით 276 ადამიანია დაღუპული, 300-ზე მეტმა კი სხვადასხვა სიმძიმის ჭრილობები მიიღო.დანაღმული სატვირთო მანქანა დედაქალაქის ხოდანის რაიონში, ხალხმრავალ ქუჩაზე, სასტუმროს სიახლოვეს აფეთქდა. 

აფეთქება ნავთობის პლატფორმაზე აშშ-ში

ლუიზიანას შტატში, პონჩარტრეინის ტბაში არსებულ ნავთობის პლატფორმაზე აფეთქება მოხდა. ადგილობრივი მედიის ინფორმაციით პლატფორმაზე მყოფი 6 ადამიანი დაშავდა. რა გახდა აფეთქების მიზეზი, ამ დროისთვის უცნობია. დაშავებულთა შესახებ ინფორმაცია ადგილობრივი პოლიციის პრესმდივანმაც დაადასტურა და დასძინა, რომ დაზარალებულები შეიძლება მეტნიც იყვნენ.

ხანძრები პორტუგალიასა და ესპანეთში

პორტუგალიაში  ტყეებში გაჩენილ ხანძრის კერებს ისევ ებრძვიან. შემოდგომის დადგომასთან ერთად ტემპერატურა არ შემცირებულა და ცელსიუსის შკალით 35 გრადუსზე დაბლა არ ჩამოდის. ვარაუდობენ, რომ ხანძრის ახალი კერების გაჩენა სწორედ ანომალიურად მაღალ ტემპერატურასთან არის დაკავშირებული. ოფიციალური ინფორმაციით, კვირას ხანძარმა 6 ადამიანის სიცოცხლე იმსხვერპლა.

ლარი ფლინტი ტრამპის წინააღმდეგ

ვაშინგტონ პოსტის საკვირაო ნომერში გამოქვეყნდა სარეკლამო განცხადება, რომელიც იუწყება: ინფორმაციისთვის, რომელმაც შესაძლოა დონალდ ტრამპის იმპიჩმენტი გამოიწვიოს, 10 მილიონ დოლარს გადაიხდიან. პუბლიკაციაში დაზუსტებულია, რომ საინტერესო ინფორმაცია შეიძლება შეერთებული შტატების მოქმედი პრეზიდენტის ფინანსურ გარიგებებს ეხებოდეს, რომლებიც რუსულ კვალთან მიიყვანთ.

 

ინდონეზიაში მეკარე ტრავმით გარდაიცვალა

ინდონეზიის საფეხბურთო ჩემპიონატის შეხვედრაში უბედური შემთხვევა მოხდა. ერთ ერთი კლუბის მეკარე ჩოირულ ხუდა პირველი ტაიმის მიწურულს თანაგუნდელ რამონ როდრიგესს შეეჯახა. რამდენიმე წუთში მეკარემ ტკივილისგან გონება დაკარგა და ის სასწრაფო დახმარების მანქანით საავადმყოფოში წაიყვანეს, თუმცა ის გზაში გარდაიცვალა. 

ცესკო-ში ეთიკის კოდექსს ხელი მოაწერეს

ცენტრალური საარჩევნო კომისიის თავმჯდომარემ და წევრებმა ეთიკის კოდექსს მოაწერეს ხელი. დოკუმენტი ქცევის რამდენიმე ძირითად ნორმას აერთიანებს და არჩევნების დემოკრატიულად ჩატარების მიზნით შემუშავდა.კოდექსს ქვეყნის მასშტაბით ყველა საარჩევნო ადმინისტრაციაში ხელი ერთდროულად მოეწერა.

აზიურ ფაროსანასთან ბრძოლა - რეკომენდაციები

სწორედ აზიურ ფაროსანასთან დაკავშირებით დაავადებათა კონტროლის ცენტრში საგანგები ბრიფინგი გაიამრთა. სადაც აზიურ ფაროსანასთან ბრძოლის შესახებ მოსახლეობას რეკომენდაციებით მიმართეს. დაავადებათა კონტროლის ცენტრი მოუწოდებს მოსახლეობას გამოიყენონ კარის ბადეები, გაიტანონ ყველანაირი მცენარე სახლიდან, რადგან მცენარეები განსაკუთრებულად იზიდავენ მავნებელს ფაროსანას შენობიდან მოსაშორებლად, შესაძლებელია, მტვერსასრუტის გამოყენებაც,

სახალხო დამცველის ვიზიტი ბრიუსელში

ადამიანის უფლებათა დაცვის მდგომარეობა საქართველოში, სასამართლო სისტემის ხარვეზები, მედიაგარემო, ოკუპირებულ ტერიტორიებზე და გამყოფ ხაზთან მცხოვრები მოსახლეობის პრობლემები და უსაფრთხოების გამოწვევები. 

პარლამენტმა პრეზიდენტის ვეტო დაძლია

მოაწერს თუ არა საქართველოს პრეზიდენტი ახალ კონსტუტუციას ხელს ჯერ-ჯერობით უცნობია . იმ შემთხვევაში თუ დოკუმენტს გიორგი მარგველაშვილი ხელს არ მოაწერს, ქვეყნის ახალი კონსტიტუცია ძალაში საქართველოს პარლამებტის თავმჯდომარის ირაკლი კობახიძის ხელმოწერით შევა. ,მმართველმა გუნდმა გუშინ 117 -7 წინააღმდეგ პრეზიდენტის ვეტო დაძლია. 

პრემიერი მოქალაქეებს კონსტიტუციის მიღებას ულოცავს

საქართველოს პრემიერ მინისტრი გიორგი კვირიკაშვილი მოქალაქეებს კონსტიტუციის მიღებას ულოცავს და განცხადებას ავრცელებს. ვულოცავ საქართველოს მოქალაქეებს კონსტიტუციის - ქვეყნის ძირითადი კანონის ახალი რედაქციით მიღებას. 

სვეტიცხოვლობა

მართლმადიდებელი ეკლესია დღეს სვეტიცხოვლობას ზეიმობს . დღესასწაულთან დაკავშირებით დილიდან ტაძრებში წირვა-ლოცვა სრულდება. სვეტიცხოველში წირვას სრულიად საქართველოს კათოლიკოს-პატრიარქი, მღვდელმთავრებთან და სასულიერო პირებთან ერთად, აღავლებს, მსახურების დასრულების შემდეგ პატრიარქი მრევლს ტრადიციული ქადაგებით მიმართავს და დღევანდელ დღეს მიულოცავს. 

“მეიეროვიჩის ამბები“ -ნეტფლიქსის ორიგინალური ფილმი

“მეიეროვიჩის ამბები“ ადამ სენდლერის, ბენ სტილერსისა და ლეგენდარული დასტინ ჰოფმანის საერთო ფილმია. პირველად ფართო საზოგადოებამ ფილმი კანის კინოფესტივალის ფარგლებში იხილა. “მეიეროვიჩის ამბები“ საკაბელო არხმა ნეტფლიქსმა გადაიღო, რაც ფესტივალზე დიდი უთანხმოების მიზეზი გახდა. 

წყალდიდობა ვიეტნამში

ვიეტნამში წყალდიდობის შედეგად დაღუპულთა რიცხვი 54-მდე გაიზარდა, 40 ადამიანი კი ამ დრომდე დაკარგულად ითვლება. განცხადება სტიქიური უბედურების შესახებ ქვეყნის საგანგებო სიტუაციების სააგენტომ გააკეთა. ადგილობრივი მედიის ცნობით, ყველაზე მეტად ქვეყნის ჩრდილოეთ ნაწილში მდებარე პროვინციები დაზარალდა, სადაც საგანგებო მდგომარეობაა გამოცხადებული. რამდენიმე ათასი ადამიანი კი საცხოვრებელი ადგილის გარეშეა დარჩენილი. 

ბრაზილიაში პოლიციამ 8 ტონა კოკაინი ამოიღო

ბრაზილიის პოლიციამ მასშტაბური სპეცოპერაციის შედეგად სან-პაულოში 60-მდე ნარკომოვაჭრე დააკავა. გავრცელებული ინფორმაციით, ნარკომოვაჭრეები ევროპაში კოკაინის გაგზავნას კონტეინერებით გეგმავდნენ. სამართალდამცველების განცხადებით, კონტეინერები ცემენტით იყო დაფარული. ამ დროისთვის 100-ზე მეტ ეჭვმიტანილზე ძებნა არის გამოცხადებული.

ხანძარი კალიფორნიაში

კალიფორნიაში ტყის ხანძრის შედეგად დაღუპულთა რიცხი გაიზარდა. სტიქიამ 30-მდე ადამიანის სიცოცხლე იმსხვერპლა, 400 ადამიანი კი ამ დრომდე დაკარგულად ითვლება. სამაშველო სამსახური ხანძრის 22 ძლიერ კერას ებრძვის. კალიფორნიის შტატის ჩრდილოეთით ცეცხლმა 4 ათასამდე საცხოვრებელი სახლი გაანადგურა. ათასობით მეხანძრე ცეცხლის ლოკალიზებას რამდენიმე დღეა უშედეგოდ ცდილობს.

დაპირისპირება ბარსელონაში

ბარსელონაში ესპანეთის ერთიანობის მხარდამჭერთა მსვლელობა გაიმართა, რომელიც შეტაკებებით დასრულდა.  დემონსტრაციაში რამდენიმე ათასი ადამიანი მონაწილეობდა. ესპანეთის ეროვნულ დღესასწაულზე გამართულ მსვლელობაში მონაწილეებს კატალონიის დამოუკიდებლობის მხარდამჭერები დაუპირისპირდნენ. ადგილობრივი მედიის ცნობით, შეტაკებაში ფეხბურთის გულშემატკივრები და ულტრამემარჯვენე დაჯგუფებების წევრები მონაწილეობდნენ.

"ევროპული საქართველოს" ქობულეთის მერობის კანდიდატის წარდგენა

ევროპულმა საქართველომ აჭარის მერობის კანდიდატების წარდგენა ქობულეთში დაასრულა. პარტიის ლიდერმა დავით ბაქრაძემ მოსახლეობას პაატა ცინარიძე წარუდგინა. თვითმმართველობის არჩევნებზე ქობულეთში ევროპული საქართველოს გამარჯვების შემთხვევაში მოხდება ციტრუსის რეალიზაციის ხელშეწყობა და მოწესრიგდება ტურისტული ზონა.

კახა კალაძის შეხვედრა მოსახლეობასთან

"ქართული ოცნების" მერობის კანდიდატი ვაკისა და ვარკეთილის მოსახლებას შეხვდა. კახა კალაძის თქმით, აუცილებელია ქალაქის ყველა უბნის თანაბრად განვითარება მოხდეს. ასევე თბილისის მერობის კანდიდატმა ვაკისა და ვარკეთილის ამომრჩევლებს ქალაქის წინაშე არსებული გამოწვევების დაძლევისთვის შემუშავებული პოლიტიკა წარუდგინა.

"პატრიოტთა ალიანსი" ქუჩის აქციებს გეგმავს

პატრიოტთა ალიანსი მზადაა, რომ პროპორციულ სისტემაზე დაუყოვნებლივ გადასვლის მიზნით მმართველ პარტიას დაეხმაროს, თუმცა ირმა ინაშვილის განცხადებით, დღევანდელ რიგგარეშე განხილვაში პარტია მონაწილეობას არ მიიღებს, რადგან პრეზიდენტის ვეტოს დაძლევას კონსტიტუციის უზურპაციად აფასებს. 

"ციანიდის საქმის" ადვოკატის დაკითხვა

მოწმეთა ჩვენებების მედიასაშუალებებში გასაჯაროების ფაქტზე პროკურატურის შემდეგ დეკანოზ გიორგი მამალაძის ადვოკატები პაატა მეხრიშვილი, სულხან კომახიძე და მიხეილ რამიშვილი მაგისტრი მოსამართლის წინაშე დასაკაითხად დღეს საქალაქო სასამართლოში დაიაბრეს. მანამდე როგორც, გითხარით უფლება დამცველები შოთაძის უწყებაში იმყოფებოდნენ, თუმცა საგამოძიებო ორგანოსთვის ჩვენების მიცემაზე უარი განაცხადეს. ციანიდის საქმის კიდევ ერთი ადვოკატი ეკა ლომიძე კი, დღეს პროკურატურაში იმყოფებოდა.

2017 წლის არჩევნების შუალედური ანგარიში

თვითმართველობის არჩვენებამდე 8 დღით ადრე ცესკოს თავმჯდომარემ ადგილობრივ სადამკვირვებლო ორგანიზაციებს, საარჩევნო სუბიექტებსა და მედიის წარმომადგენლებს 21 ოქტომბრის არჩევნების შუალედური ანგარიში გააცნო. 

ბიზნესმენის გატაცების მცდელობის საქმე - ახალი დეტალები

დღეს უნდა გახდეს ცნობილი, რა სახის აღკვეთის ღონისძიება შეეფარდებათ ბიზნესმენ გია გორგოშაძის გატაცების მომზადების ფაქტზე დაკავებულებს. მანამდე ბრალს ოფიციალირად წინასწარი დაკავების იზოლატორში წარუდგენენ.

პარლამენტი პრეზიდენტის მოტივირებულ შენიშვნებს განიხილავს

დასკვნითი ეტაპი ქვეყნის უზენაეს კანონში შესატან ცვლილებებზე. დოკუმენტი, რომელიც პრეზიედნტის, ოპოზიცის და არასამთოვრობო ორგანიზაციების კრიტიკას ვერ უძლებს, ამ წუთებში საკანონმდებლო ორგანოში განიხილავენ. დეპუტატებს ვეტოს შინაარსი ქვეყნის პირველი პირის საპარლამენტო მდივანმა კიდევ ერთხელ გაანო. გიორგი მარგველაშვილის 6 პუნქტიანი შენიშვნებს კი უმრავლესობა კვლავ ვერ იწონებს.

ლეონარდო და ვინჩის დაკარგული ტილო აუქციონზე

ლეონარდო და ვინჩის დაკარგული ტილო აუქციონზე ბრუნდება. იესო ქრისტეს პორტრეტი სახელწოდებით „მსოფლიოს გადამრჩენელი“ წლების მანძილზე კერძო კოლექციონერის მფლობელობაში იყო და დაკარგულად ითვლებოდა. „მსოფლიოს გადამრჩენელი“ რენსანსის ხანის გენიოსის ნამუშევრების ოცეულში შედის, რომელიც ისტორიამ კაცობრიობას დღემდე შემოუნახა. აღნიშნული ტილო და ვინჩიმ საფრანგეთის მეფის ლუი 12-ის დროს 1506-13 წლებში შექმნა.

პრეზიდენტმა 226 პატიმარი შეიწყალა

პრეზიდენტმა 226 მსჯავრდებული შეიწყალა. 141 საპატიმრო დაწესებულებას დღესვე დატოვებს. 85 მსჯავდებულს კი სასჯელის ვადა შეუმცირდა.კომისია 27 სექტემბრიდან 4 ოქტომბრის ჩათვლით მუშაობდა. წევრებმა 1406 პირის საქმეზე იმსჯელეს. შეწყალებულთა შორისაა 13 ქალი და 2 არასრულწლოვანი. 

თეა წულუკიანის ბრიფინგი

იუსტიციის მინისტრმა მოქალაქეობის საკითხთა კომისიის 5-წლიანი ანგარიში წარადგინა. თეა წულუკიანმა განმარტა, რომ კომისიამ ინფორმაცია მაღალი საზოგადოებრივი ინტერესიდან გამომდინარე გაასაჯაროვა. 

2018 წლის ბიუჯეტის პროექტის განხილვა

2018 წლის ბიუჯეტის პროექტის განხილვა გრძელდება. ოპოზიცია მთავარ ფინანსურ დოკუმენტს აკრიტიკებს. საკითხზე მსჯელობა საპარლამენტო ფრაქციების სხდომებზე მიმდინარეობს. 2018 წლის სახელმწიფო ბიუჯეტი უკვე განიხილეს ფრაქცია "ნაციონალური მოძრაობის" სხდომაზე, სადაც სიტყვით ფინანსთა მინისტრის მოადგილე წარსდგა.

პრეზიდენტის მოტივირებული შენიშვნების განხილვა

პრეზიდენტის მოტივირებულ შენიშვნებზე იურიდიულ საკითხთა კომიტეტზე იმსჯელებენ. ხვალ კი უმრავლესობა საკონსტიტუციო ცვლილებებზე პრეზიდენტის ვეტოს დაძლევას გეგმავს. ექვსი მოტივირებული შენიშვნიდან მმართველი გუნდი ორს კატეგორიულად არ ეთანხმება. ოპოზიციისთვის კი - სწორედ ეს ორია მნიშვნელოვანი.

თავდაცვის კონფერენცია ბათუმში

საქართველოს ოკუპირებული ტერიტორიები, რუსეთის აგრესია და ქვეყნის უსაფრთხოება - აღნიშნულ საკითხებზე ბათუმში მიმდინარე თავდაცვისა და უსაფრთხოების კონფერენციაზე მსჯელობენ. სხდომას ჯეიმს აპატურაი ესწრება. შეკრებილებს სიტყვით მიმართეს პრეზიდენტმა, პრემიერმა, თავდაცვის მინისტრმა და პარლამენტის თავმჯდომარემ.

ლიკა ქავჟარაძე გარდაცვლილი საკუთარ სახლში იპოვეს

ექსპერტიზის დასრულების შემდეგ მსახიობ ლიკა ქავჟარაძის ცხედარი დილით ისევ საკუთარ სახლში გადაასვენეს, სადაც გუშინ საღამოს მსახიობი გარდაცვლილი იპოვეს. სიკვდილის მიზეზებს გამოძიება იკვლევს. ჩვენი კორესპონდენტი ლუკა ხაჩიძე იმყოფება მსახიობის საცხოვრებელ სახლთან. 

სპეცოპერაცია წყნეთში

თავისუფლების უკანონოდ აღკვეთისა და გამოძალვის მომზადების ბრალდებით 4 ადამიანი დააკავეს. სპეცოპეაცია წყნეთის გზატკეცილზე მთელი ღამის განმავლობაში მიმდინარეობდა. დღეს დილით შინაგან საქმეთა სამინისტრომ საქმესთან დაკავშირებით ოფიციალურ ინფორმაცია და ვიდეომასალა გაავრცელა.

დონალდ ტრამპი ემინემის კლიპში

Black entertainment television –ის ჰიპ-ჰოპ მუსიკის დაჯილდოვების ცერემონიალზე ორგანიზატორებმა რეპერ ემინემის ახალი კლიპი აჩვენეს, რომელშიც მუსიკოსმა შეერთებული შტატების პრეზიდენტი დონალდ ტრამპი მოიხსენია და მას რასისტი და უპასუხისმგებლო ლიდერი უწოდა.

ხანძარი კალიფორნიაში

კალიფორნიაში ტყეებში გაჩენილ ხანძრებს ამ დრომდე უშედეგოდ ებრძვიან. ხანძრებმა ბოლო მონაცემებით უკვე 20 ადამიანის სოცოხლე იმსხვერპლა. კიდევ 500 ადამიანის ადგილსამყოფელს ხელსუფლება და მაშველები ვერ აგნებენ. ცეცხლი სწრაფად ვრცელდება და უკვე 45 ათასი ჰექტარი ტერიტორია მოიცვა. განადგურებულია რამდენიმე ათასი ნაგებობა.

მადრიდის ულტიმატიმი კატალონიას

1492 წლის 12 ოქტომბერს ქრისტეფორე კოლუმბი ამერიკის ნაპირებს მიადგა. საუკუნეების შემდეგ კი ესპანეთის მეფემ ეს დღე ქვეყნის ნაციონალურ დღესასწაულად გამოაცხადა და ის ეროვნული ერთობის დღედ მოიხსენიება. წელს ერთობის დღეს ესპანეთი სრულ გაურკვევლობაში ხვდება.

სამმაგი ტერაქტი დამასკოში

სირიის დედაქალაქ დამასკოში პოლიციის მთავარი სამმართველოს წინ განხორციელიებული სამმაგი ტერაქტის შედეგად 2 ადამიანი დაიღუპა და 6 დაიჭრა. ორმა თვითმკვლელმა ტერორისტმა თავი უშუალოდ პოლიციის შენობასთან აიფეთქა, მესამემ  კი ახლომდებარე ბაზრის შესასვლელთან საბუთების შემოწმებისას. 

„სიყვარულით ვინსენტი“ - კინოინდუსტრიის სენსაცია

„სიყვარულით ვინსენტი“ მსოფლიოს პირველი მხატვრული შედევრია, რომელიც 130-მა ხელოვანმა ფილმად აქცია. კაცბრიობის ერთ-ერთი ყველაზე გამორჩეული მხატვრის, მზესუმზირის ყვავილების ავტორის ცხოვრებასა და შემოქმედებას მაყურებელი პირველად ფილმის ისტორიაში მისივე ნახატებით შექმნილ ფილმში იხილავს. ჰოლანდიელი მხატვრის ტაგიკულ ცხოვრებას მისი ნახატები ყვებიან.

საყოველთაო გაფიცვა საფრანგეთში

ემანუელ მაკრონის პრეზიდენტად არჩევის შემდეგ საფრანგეთში სახელმწიფო სექტორში მომუშავეთა პირველი გაფიცვა დაიწყო. რეფორმა, რომლის განხორციელებასაც საფრანგეთის ისტორიაში ყველაზე ახალგაზრდა პრეზიდენტი ცდილობს, საბიუჯეტო ორგანიზაციათა დიდ ნაწილში თანამშრომელთა რიცხვის შემცირებას ითვალისწინებს. ამავე რეფორმით გაიყინება ხელფასების ინდექსაციაც.