ბათუმის მოვლენებში მონაწილეს 2 წლით თავისუფლების აღკვეთა მიესაჯა

ბათუმში, 11-12 მარტის მოვლენებზე ბრალდებული ლაშა დეკანაძე ბათუმის საქალაქო სასამართლომ ბრალის ძირითად ნაწილში უდანაშაულოდ სცნო, თუმცა მოსამართლის გადაწყვეტილებით, დეკანაძე წელიწადი და სამი თვე სასჯელს ხულიგნობის ბრალდებით მოიხდის. დეკანაძე სასჯელაღსრულების დაწესებულებაში სასამართლოს განაჩენს უკვე 8 თვეა ელოდება. პროკურატურა ბრალდებულს მასობრვივ არეულობაში მონაწილეობასა და პოლიციელზე თავდასხმას ედავებოდა. ადვოკატები სასამართლოს გადაწყვეტილებას სააპელაციო სასამართლოში გაასაჩივრებენ. 11-12 მარტის მოვლენების შემდეგ 21 პირი დააკავეს, აქედან ორი, მერაბ ღოღბერიძე და ირაკლი ჩვხირკვია მასობრივი არეულობის ორგანიზების ბრალდებით, დანარჩენი 19 კი არეულობაში მონაწილეობისთვის. 19 პირიდან ლაშა დეკანაძე ერთადერთი იყო, რომელმაც ბრალი არ აღიარა. დანარჩენ ბრალდებულებს კი პროკურატურამ საპროცესო შეთანხმება გაუფორმა.